Magandang hapon! Lumibot tayo kanina sa area ng HK Shanghai Bank, sa may city hall area, at statue square para makipag-kamustahan sa mga kababayan nating OFW.
Sakto at day off ng karamihan sa ating mga kababayan kaya marami tayong nakasalamuha ngayong Linggo.
Dama ko ang pagkasabik ng ating mga kababayan sa kanilang pamilya at bayan. Kitang kita ang kanilang galak na ako ay makita tila naaalala nila ang Pinas. Lahat ng lungkot ay kanilang tinitiis para lamang kumayod alang alang sa kanilang mga pamilya.
Ang kanila ding remittances ang malaki ang kontribusyon sa ating ekonomiya.
Kung kaya’t lalong gusto kong ipursigi ang mga panukala na makakatulong at magbibigay suporta sa kanila.
Ang turing sa mga OFW ay mga bagong bayani kaya’t mahalaga na maramdaman din nila ang suporta at pag alaga sa kanila ng pamahalaan kung sakaling sila naman ang mangailangan.
Mabuhay ang ating mga OFW!
